لو عاوز تخلع من البيت بدون مشاكل

أكيد من اكتر المشاكل اللي بتواجه الرجالة و خصوصا المتحوزة ….حوار ازاي يخلع من البيت بدون مشاكل لا قبل الخلاعان ( خناقة ) و لا بعد الخلعان ( خناقة )

رسالتنا اننا نحافظ علو البيت في جو يعمه السلام ( تراتيل السلام )

الخلعان دا حق اصيل لكن له اصوله ( عبدالملك زرزور )

الخلعان له أنواع و خطوات و تحضيرات

١- الخلعان المنظم و المستمر

يعني كل يوم خميس بالليل الساعة ٧ بيكون موعد الخلعان …..النوع دا عمره ما بيعمل مشاكل على المستوى القريب…لكن ممكن يستخدم ضدك في اي مشكلة تحصل ( لتجنب استخدامه و تحييده لازم ما تقولش الحقيقة الكاملة ( يعني لو صحابك فكسوا للخروج ….تعمل اية ( ما تقولش انهم فكسوا للخروج …..قول انا لقيتني كل أسبوع بعيد عنك يوم الخميس فقرلت اقضيه معاكي انهاردا ) ولازمن الموضوع دا يتكرر بشكل متقطع

٢-يعني من اكتر الحاجات اللي بتعمل مشاكل الخلاعان المفاجئ الغير مدروس ( سمير غانم )

٣- لو جالك عرض خروجة جامد مع صحابك….لازم مش اقل من أسبوع ….دي إجراءات و قوانين ….لازمن تمشي عليها

عرض مقدمة الموضوع

شرح طبيعة الخروجة بشكل غير مهتم و خالي من التفاصيل المرحة و الذيذة

عرض لحالتك النفسية و مشاكلك المستمرة

انتظار انها هي اللي تقولك ما تخرج ما صحابك…

اوعى ترجع مبسوط من اي خروجة…لان الموضوع دا بيستفزهم جدا

( بيتفزهم جدا يا  طه )